Bases generales y específicas en BOP 17/06/2009

Constará de catro exercicios, todos de carácter obligatorio e eliminatorio. agás o cuarto que se puntuará como “APTO” ou “NON APTO”.

Primeiro.-De carácter obligatorio e eliminatorio. Consistirá en contestar por escrito a unha batería de 75 preguntas curtas en relación co temario que se achega como anexo I, nun tempo máximo de dúas horas. Valorarase de 0 a 10 puntos e o aspirante deberá obter a puntuación mínima de 5 puntos para superalo.

Segundo.- De carácter obligatorio e eliminatorio. Consistirá en desenvolver por escrito nun tempo máximo de hora e media un tema dos que figuran no Anexo I que será elixido por sorteo polo Tribunal Cualificador inmediatamente antes da realización do exame. Valorarase de 0 a 10 puntos e o aspirante deberá obter a puntuación mínima de 5 puntos para superalo.

Terceiro.-De carácter obrigatorio e eliminatorio, consistirá en transcribir un documento facilitado polo Tribunal a soporte informático no programa Word de Microsoft Office 2000, documento que será escollido polo Tribunal dun expediente do propio Concello inmediatamente antes da realización da proba, tendo en conta que o tempo para a súa realización o fixará o tribunal á vista do documento de que se trate e, en todo caso, un máximo de trinta minutos. O documento haberá de ser transcrito na súa totalidade para optar o/a aspirante a superación da proba, e valorarase, ademais, a súa presentación e corrección ortográfica e gramatical e a utilización correcta dos códigos do programa informático. Valorarase de 0 a 10 puntos e o aspirante deberá obter a puntuación mínima de 5 puntos para superalo.

Cuarto.- De carácter obrigatorio e eliminatorio. Constará de dúas partes: na primeira os/as aspirantes deberán redactar en galego durante un tempo máximo de corenta e cinco minutos un documento propio das funcións da praza que se convoca; valoraranse os aspectos lingüísticos e adaptación aos criterios de modernización de linguaxe administrativa. Na segunda parte, de carácter oral, consistirá en manter unha charla en galego cunha duración máxima de dez minutos cos membros do Tribunal, na que se falará do documento obxecto da primeira parte deste exercicio e só se valorarán os aspectos citados, admitíndose as variantes dialectais. Para o obxecto de garantir a posibilidade de revisión da proba oral, gravarase en cinta magnética sempre que o/a aspirante non renuncie expresamente a este dereito. Esta proba será cualificada como “APTO/A” ou “NON APTO/A”.