Bioinformática Estructural: Modelización e Simulación de Moléculas Biolóxicas

Obxectivos do curso:

O presente curso está dirixido a investigadores pre ou posdoutorais, sen excluir alumnos de grado cunha formación suficiente en Bioquímica, Física, Química e Química Orgánica. A nosa proposta consiste en dar unha introducción xeral das aproximacións bioinformáticas e metodoloxías computacionais de uso común na área da bioloxía estrutural e o deseño molecular. En concreto, abordaremo-los seguintes tópicos: I) Introducción á bioloxía estrutural, métodos experimentais II) Xeración de modelos computacionais de proteínas: modelización por homoloxía III) Simulación computacional de macromoléculas biolóxicas: dinámica molecular IV) Estudos de asociación molecular: formación de complexos proteína-proteína ou fármaco-proteína: técnicas de docking e predicción computacional de afinidades. Abordarase a introducción teórica a cada unha destas técnicas, xunto con exemplos prácticos en sesiones de ordenador sobre casos seleccionados, empregando métodos do "estado da arte" en bioinformática estrutural e deseño de medicamentos asistido por ordenador.
Ca formación obtida, estimamos que o alumno-investigador sexa quen de entender, plantexar e incluso afrontar problemas relacionados ca caracterización estrutural de macromoléculas biolóxicas, como son: estudos de estabilidade ou cambios conformacionais de proteínas, deseño de compostos que se unan ás mesmas, predicción de afinidades e efectos funcionais de mutacións.

Sistema de selección:

O número de prazas está restrinxido a un máximo de 30 alumnos, polo cal seleccionaranse os aspirantes por orde de inscripción. No caso de que as solicitudes superen o máximoo de prazas, valorarase o beneficio do curso nas liñas de traballo do candidato, así como o CV do mesmo.

Procedemento de Avaliación:

Ó término do curso, os alumnos deberán presentar unha memoria cos resultados das diferentes seccións prácticas realizadas ó longo do curso. En concreto, escollerase un sistema biolóxico relevante que será estudiado cas diferentes técnicas contempladas no curso.

Titorías:

Os profesores estarán accesibles durante as horas de clase, así como nos descansos-café e nas comidas para fomentar a interacción cos alumnos.

Programa:

1. BIOLOXÍA ESTRUTURAL. Créditos: 0,75
2. MODELIZACIÓN POR HOMOLOXÍA. Créditos: 0,75
3. DINÁMICA MOLECULAR. Créditos: 0,55
4. ANCLAXE LIGANDO-PROTEÍNA. Créditos: 0,2
5. ESTIMACIÓN COMPUTACIONAL DE AFINIDADES BIOLÓXICAS. Créditos: 0,75