a) Posuír a nacionalidade española ou a dalgún Estado membro da Unión Europea ou do Espazo Económico Europeo ou ostentar o dereito á libre circulación de traballadores conforme ao Tratado da Unión Europea ou a outros tratados ratificados por España ou ter recoñecido tal dereito por norma legal.

b) Estar en posesión do título de Licenciado ou Doutor en Medicina e Cirurxía e o título de Médico Especialista en Otorrinolaringoloxía.

c) Posuír a capacidade funcional necesaria para o desempeño das funcións que se deriven do correspondente nomeamento.

d) Ter cumpridos os dezaoito anos e non exceder da idade de xubilación forzosa.

e) Non ter sido separado do servizo, mediante expediente disciplinario, de calquera Servizo de Saúde ou Administración pública nos seis anos anteriores á convocatoria, nin atoparse inhabilitado con carácter firme para o exercicio de funcións públicas nin, de ser o caso, para a correspondente profesión.

f) No caso dos nacionais doutros Estados mencionados no primeiro parágrafo b), non atoparse inhabilitado, por sanción ou pena, para o exercicio profesional ou para o acceso a funcións ou servizos públicos nun Estado membro, nin ter sido separado por sanción disciplinaria, dalgunha das súas administracións ou servizos públicos nos seis anos anteriores á convocatoria.

g) Non atoparse en situación de excedencia como persoal estatutario na mesma categoría nin estar vinculado mediante vínculo de longa duración na mesma categoría en institucións públicas da Comunidade Autónoma de Galicia. A tal efecto considerarase nomeamento de longa duración aquel de duración igual ou superior a un ano.

Sistema de selección

A selección dos aspirantes á praza convocada, levarase a cabo por un procedemento de concurso que se desenvolverá en dúas fases, unha dirixida á valoración dos méritos acreditados de conformidade co baremo recollido no anexo I e unha segunda fase que consistirá na valoración dunha memoria descritiva do Servizo, que deberá ser aportada polos aspirantes xunto coa documentación anteriormente sinalada. Asemade a Comisión de Valoración, se o considera oportuno, poderá acordar a celebración dunha entrevista persoal regrada aos aspirantes no proceso selectivo, na que se valorará a defensa da memoria presentada, a calidade humana e persoal que inflúa no rendemento profesional e a motivación dos aspirantes.

Só se terán en conta os méritos que o interesado reúna na data da publicación da convocatoria e acredite no prazo de presentación das instancias.

A puntuación total que os aspirantes poderán acadar polo conxunto de ámbalas dúas fases no proceso selectivo será de 100 puntos , distribuídas do seguinte xeito: na fase de valoración de méritos ata 70 puntos e na fase da valoración da memoria, e no seu caso da entrevista, ata 30 puntos.

(...)