Convocatoria Oposición a Policía local

a) Ser español ou nacional dalgún dos estados membros da Unión Europea, ou nacional dalgún estado en que en virtude dos tratados internacionais realizados pola Unión Europea e ratificados por España, sexa de aplicación a libre circulación de traballadores.

b) Ter cumpridos dezaséis anos e non exceder, de ser o caso, da idade máxima de xubilación forzosa, coa aplicación, se procede, do especificado no artigo 57 1) da Lei 7/2007, do 12 de abril.

c) Ter o título esixido ou estar en condicións de obtelo na data na que remate o prazo de presentación de instancias. Os títulos requiridos para cada unha das prazas sinalaranse nas bases específicas de cada unha das convocatorias. No caso de titulacións non expedidas en España estas deberán estar debidamente revalidadas polo Ministerio de Educación, Política Social e Deportes.

d) Posuir a capacidade funcional para o exercicio das tarefas, sen que se padeza enfermidade ou eiva física ou psíquica incompatible coas funcións do posto. As persoas con discapacidade deberán facelo constar na súa instancia, sinalando se precisan adaptación das probas. A condición de discapacitado acreditarase por certificación do órgano correspondente da Administración autonómica.

e) Non ter sido separado mediante expediente disciplinario do servizo de calquera das Administracións Públicas ou dos órganos constitucionais ou estatutarios das Comunidades Autónomas nin atoparse en inhabilitación absoluta ou especial para empregos ou cargos públicos por resolución xudicial, para o acceso ao corpo ou escala de funcionario ou para o exercicio de funcións semellantes ás que desenvolvían no caso de persoal laboral, no que tivese sido separado ou inhabilitado. Os aspirantes que non posúan nacionalidade española deberán acreditar, igualmente, non estaren inhabilitados ou en situación equivalente nin ter sido sometodos a sanción disciplinaria que impida no seu estado os mesmos termos de acceso á función pública.

Puedes ver más información sobre el proceso selectivo en el boletín oficial
boletín oficial (Pág. 67)