Especialización en Trastornos do Desenvolvemento e Atención Temperá

1. Atención Temperá: historia, procesos e realidades. Lexislación. Epidemioloxía e estudos de prevalencia en retraso mental e alto risco. Créditos: 1,5

2. Diagnóstico preconcepcional e prenatal. Asesoramento xenético. Créditos: 2,5

3. Crecemento e desenvolvemento físico. O neno prematuro. Créditos: 2

4. Psicoloxía Evolutiva: desenvolvemento psicolóxico do neno. Créditos: 2

5. Diagnóstico. Créditos: 3

6. Neuroloxía pediátrica. Créditos: 1

7. Trastornos no desenvolvemento: perspectiva pediátrica e psicolóxica. Créditos: 3,5

8. Alteracións da vinculación afectiva. Créditos: 1

9. Atención Temperá e déficit socio-cultural. Créditos: 1

10. Implicación da familia en atención temperá. Situacións especiais de risco. Créditos: 2,5

11. Prácticas. Créditos: 6

Este curso forma parte de: Máster en Intervención en Trastornos do Desenvolvemento e Atención Temperá (M614)

Na actualidade, os profesionais que traballan en Atención Temperá non dispoñen da posibilidade de obter unha formación especializada que lles poida proporcionar un título oficial. A instancias da Asociación Galega da Atención Temperá (AGAT), o Departamento de Psicoloxía Evolutiva e da Educación da Universidade de Santiago de Compostela iniciou os trámites que desembocaron no Master que se presenta, e que abre a posibilidade a aqueles profesionais que o desexen de obter unha Titulación Oficial da Universidade de Santiago de Compostela, ó tempo que lles ofrece unha formación especializada no eido da Atención Temperá. A especialización en Atención Temperá esixe da colaboración de saberes procedentes de moi diferentes eidos, e, por eso, a organización do Máster conta coa participación de profesionais da medicina, psicoloxía, padagoxía, antropoloxía e socioloxía, etc.

OBXETIVOS: O curso pretende ofrecer unha formación especializada en trastornos do desenvolvemento e na intervención temperá para fomenta-lo desnevolvemento dos nenos e nenas que presentan algún destes trastornos. Logo, a formación atenderá a dous eixos fundamentais. 1º Coñecementos sobre do desenvolvemento normal, que sirva como referente para poder apreciar aqueles casos en que se presenta unha desviación significativa respecto da media. Neste apartado inclúense materias que fornecen coñecementos sobre o desenvolvemento psicolóxico e o crecemento orgánico (pediatría). 2º Coñecemento dos diferentes trastornos do desenvolvemento, así como manexo e comprensión dos resultados das técnicas de diagnóstico destes trastornos. Entre os trastornos estudiados están o retraso mental, trastornos sensoriais e motrices (xordeira, cegueira, parálise cerebral), trastronos xeralizados do desenvolvemento, deprivación sociocultural, e os trastornos afectivos e da vinculación.

METODOLOXÍA: Na docencia vaise combinar a exposición por parte dos profesores coa presentación de casos e discusión sobre deles. Ademáis os alumnos deberán realizar un prácticum que supón a estadía en centros especializados na atención a nenos con trastornos do desenvolvemento baixo a tutela dun especialista. A avaliación realizarase en base aos traballos nas diferentes materias do curso, e á memoria posterior á realización das prácticas.

ORGANIZA: Departamento de Psicoloxía Evolutiva e da Educación.

Colaboran a Consellería de Sanidade, a Conselleria de Asuntos Sociais, a Consellería de Educación, o Real Patronato de Prevención de Atención a Personas con Minusvalías, o Instituto de Migraciones e Servicios Sociais e o Ministerio de Traballo e Asuntos Sociais.

Procedemento de Avaliación: Asistencia ás clases. Exames, traballos e memorias de prácticas

Calendario: Venres tarde e sábado pola mañán alternos. 16.30 a 21.30 horas (venres). 09.00 a 14.00 horas (sábado)