Especialización en Xestión Empresarial e Administración dos Recursos Naturais no Sector Mineiro

1. Os Recursos Minerais En Galiza E España. Créditos: 0,8
2. O Contexto Económico E Institucional Do Sector Mineiro. Créditos: 1
3. O Ciclo De Producción. Créditos: 1,6
4. Planificación E Organización Da Producción. Créditos: 1,2
5. Sistemas Auxiliares Á Producción. Créditos: 0,2
6. Estratexias De Marketing. Créditos: 0,8
7. Comercialización Internacional. Créditos: 1
8. Impacto Medioambiental Da Actividade Mineira. Créditos: 1,6
9. Xestión Da Calidade. Créditos: 1,2
10. Planificación Estratéxica A Nivel Sectorial E De Empresa. Créditos: 1,2
11. Xestión Da Innovación. Créditos: 0,8
12. Recursos Humans. Créditos: 0,8
13. Financiamento E Valoración De Proxectos. Créditos: 2
14. Aspectos Contables. Créditos: 0,8
15. Aspectos Fiscais E Legais. Créditos: 3
16. Visitas A Empresas. Créditos: 4
17. Prácticas Tuteladas En Empresas. Créditos: 6

Obxectivos do curso:

Obxectivos: este curso de especialización ten como obxectivo fundamental responder a novas esixencias na xestión empresarial e administración dos recursos naturais. Ditas esixencias xorden tanto dende o ámbito social como o económico e o medioambiental. Faise pois necesario formar profesionais con capacidade para afrontar ó novo contexto con novas pautas e comportamentos, o que significa aprendizaxe específico, enfoque interdisciplinar e coñecemento profundo do ciclo completo da actividade relacionada cos recursos minerais naturais.

Neste curso interveñen profesores de diferentes universidades, técnicos especialista en recursos mineros tanto da adminstración pública como do eido privado, directivos de empresas do sector, arquitectos técnicos e outros profesionais que reunen unha amplia experiencia docente e combinan o estudio dos fundamentos teóricos cunha formación práctica impartida por importantes especialistas nas diferentes materias.

Metodoloxía: o programa deste curso divídese en sete módulos. Os seis primeiros, de carácter teórico-práctico, están referidos a materias específicas. Dentro de cada un deles destinarase un tempo á presentación dos aspectos clave para, a continuación, promover a discusión e o debate sobre aspectos específicos. Con tal fin plantexaranse casos prácticos para resolver e comentar durante a sesión. Asemade, organizaranse conferencias que complementen os enfoques anteriores e visitas a empresas do sector co fin de ofrecer ó alumno unha visión completa e real dos temas abordados na clase. Finalmente o módulo sete comprende prácticas en empresas do sector. A asistencia a clase é obrigatoria garantindo unha axeitada interacción profesor-alumno.

Procedemento de Avaliación:

• Asistencia ás clases presenciais
• Realización periódica de controis por materias
• Seguimento das prácticas na empresa

Calendario: Luns, Martes, Mércores e Xoves, 16:30 a 21:00 horas

Departamento / Centro Organizador: Departamento de Organización de Empresas

Directores:

• María Dolores Álvarez Pérez

• José Leandro Benito Torres