Experto en Relacións Laborais

1. Estilos de dirección e de presentacións efectivas. Créditos: 1,6
2. A función directiva ante o cambio. Créditos: 0,8
3. Estrutura da organización. Créditos: 0,6
4. Desenvolvemento organizacional. Créditos: 0,6
5. Planificación, desenvolvemento e xestión dos recursos humanos. Créditos: 0,4
6. Problemas asociados á celebración do contrato de traballo e os tipos de contratos (I, II e III). Créditos: 1
7. Salario. Créditos: 0,6
8. Organización do traballo (I, II, III e IV). Créditos: 1,4
9. Extinción do contrato (I, II e III). Créditos: 1,6
10. Casos prácticos sobre relacións individuais de traballo. Créditos: 0,4
11. Sindicatos e representación sindical. Organizacións empresariais. A representación unitaria. Créditos: 0,6
12. Negociación colectiva (I e II). Créditos: 0,8
13. Conflitos colectivos. Créditos: 1,2
14. Taller práctico sobre Negociación Colectiva. Créditos: 0,4
15. Casos prácticos sobre relacións colectivas de traballo. Créditos: 0,4
16. O Acordo Interprofesional Galego sobre procedementos extraxudiciais de solución de conflitos de traballo (AGA). Créditos: 0,2
17. Actuación inspectora e sanción das infracións na orde social. Créditos: 0,4
18. Procedementos laborais administrativos (I e II). Créditos: 0,8
19. Seguridade e hixiene. Créditos: 0,8
20. Dereito Penal do Traballo. Créditos: 0,4
21. Aseguramento e cotización. Créditos: 0,4
22. Continxencias e prestacións. Créditos: 1,2
23. Seguridade social dos emigrantes comunitarios. Créditos: 0,4
24. Dereito social comunitario. Créditos: 0,8
25. Intervención dos axentes sociais. Créditos: 0,3
26. Presentación do Informe sobre a Situación Sociolaboral da Comunidade Autónoma de Galicia. Créditos: 0,2
27. Conferencias. Créditos: 1,2
28. Visitas a empresas. Créditos: 1

Este curso engloba ós seguintes cursos de posgrao ou formación contínua: Curso de Experto en Relacións Laborais (F682)

OBXECTIVOS E DESTINATARIOS

A partir da experiencia adquirida ao longo das precedentes edicións do Curso que se presenta, así como da súa consolidación, o Consello Galego de Relacións Laborais e a Universidade de Santiago de Compostela ofertan aquel por décimo séptimo ano consecutivo, conscientes da demanda pola sociedade galega de ensinanzas do máis alto nivel no eido das relacións laborais, así como da necesidade de promover, nun mercado que se mostra cada vez máis competitivo, a adaptación da xestión das empresas ao novo estilo de dirección de persoal que marca a política de recursos humanos e as esixencias organizativas das empresas.

Neste sentido, preténdese que o alumno atope no Curso un lugar de exposición e debate dos cambios que se veñen producindo na lexislación laboral, principalmente desde 1994, os que afectan, ademais de ao mercado de traballo (formas de contratación, organización do traballo, extinción do traballo), á negociación colectiva, á representación dos traballadores na empresa, á seguridade social e á seguridade e hixiene no traballo.

Asemade, non cabe esquecer a incidencia que está a ter o dereito social comunitario sobre as lexislacións sociais dos distintos Estados membros da Unión Europea. A adaptación dos contidos didácticos ao novo marco legal e convencional polo que están chamadas a discorrer as relacións laborais e de seguridade social, iniciada xa nas últimas edicións do Curso, proséguese na presente, na que se pretende afondar, unha vez máis, nas consecuencias prácticas dos procesos de reforma, pretendéndose ofrecer solucións fronte aos problemas presentados pola aplicación das novas normas, tanto laborais como de seguridade social. Por descontado, calquera modificación laboral ou de seguridade social que se produza ao longo do curso será oportunamente analizada nel.

Diríxese o Curso, principalmente, a cantos pretenden unha formación e/ou actualización nas materias laborais en xeral, facilitando a súa capacitación para resolver as cuestións suscitadas polas relacións laborais e a xestión de recursos humanos. Soporte de tal finalidade é o tratamento e a exposición dos temas cunha orientación práctica, axustada á realidade empresarial, xudicial e administrativa, con eventual constitución de grupos de traballo para o exame e discusión dos supostos prácticos que forman parte do contido das ensinanzas programadas e que na súa proporción, na relación coas exposicións teóricas, vén crecendo nos últimos anos. Estas distribúense ao longo de seis módulos que se complementan con diversas conferencias, intervencións dos axentes sociais e visitas a empresas.

Dado o seu obxectivo, contido, método e necesidade de adecuar os programas de estudos universitarios a unha situación social e económica en constante evolución, que pide actualizar periodicamente os coñecementos e ampliar os mesmos respecto dos adquiridos ao longo da licenciatura ou diplomatura, este

Curso resulta particularmente apropiado como medio de especialización e perfeccionamento profesional de licenciados en Dereito, Ciencias do Traballo e Ciencias Económicas e Empresariais, ou diplomados en Relacións Laborais, responsables de Recursos Humanos, xefes de Relacións Laborais, asesores e cadros das organizacións sindicais e empresariais, etc.

Dende a penúltima edición, a superación do curso permite obter, segundo sexan as circunstancias do alumno, o título de especialista ou o diploma de aproveitamento, expedido pola Universidade de Santiago de Compostela, ao formar parte aquel da oferta de estudos de posgrao e formación continua da citada Universidade.

CADRO DE PROFESORES
Compoñen o equipo docente prestixiosos profesores de distintas Universidades españolas e profesionais da Xudicatura, a Avogacía, a Administración e a xestión de recursos humanos.

NÚMERO DE PRAZAS
O número de prazas limítase a cincuenta (50). A selección efectuarase por rigorosa orde de inscrición. O prazo de matrícula pecharase tan pronto como quede cuberto o número de prazas ofertado e, en todo caso, o 14 de setembro de 2006.

COMISIÓN REITORA

• Senén Barro Ameneiro
  Reitor da Universidade de Santiago de Compostela
• Ricardo Varela Sánchez
  Conselleiro de Traballo
• Demetrio Fernández López,
  Presidente do Consello Galego de Relacións Laborais

COMISIÓN ACADÉMICA

• Javier Gárate Castro
  Catedrático de Dereito do Traballo
  

• Consuelo Ferreiro Regueiro

  Profesora Titular de Dereito do Traballo

• Jesús Martínez Girón

  Catedrático de Dereito do Traballo

• Jaime Cabeza Pereiro

  Catedrático de Dereito do Traballo

• Pedro Rabanal Carbajo

  Profesor Titular de Dereito do Traballo

DIRECCIÓN DO CURSO

• Javier Gárate Castro
  Catedrático de Dereito do Traballo na Facultade de Dereito da Universidade de Santiago de Compostela

Procedemento de Avaliación:

- Asistencia.

- Superación de exames tipo test de todos os módulos e/ou probas de avaliación específicas que consideren pertinentes os ponentes.

Calendario:

Días da semana: Normalmente, os martes e xoves. Excepcionalmente, haberá semanas con tres días de clases.

Horario: De 16:30 a 20:30 horas.

Aulas:

-Salón Nobre do Pazo de Fonseca (Reitorado da Universidade de Santiago de Compostela).

-Salón de Graos e/ou Sala de Xuntas da Facultade de Dereito da Universidade de Santiago de Compostela.