Máster en Ciencias Da Familia (Asesoramento, Orientación, Mediación e Intervención Familiar - Internacional - Uniapa)

1. Psicoloxía Da Familia E Os Seus Ciclos Vitais. Créditos: 2
2. Contextos Educativos E Os Estilos De Educación. Créditos: 2
3. Socioloxía Da Familia. Créditos: 2
4. Marco Xurídico Da Familia Actual. Créditos: 4
5. Situacións De Pérdida Familiar. Créditos: 2
6. Tipos E Modelos De Familia. Créditos: 2
7. Metodoloxía En Ciencias Da Familia. Créditos: 2
8. Familia E Traballo Social. Créditos: 2
9. Medicina E Familia. Créditos: 2
10. Novas Tecnoloxías En Educación Familiar. Créditos: 2
11. Relación Familia E Centro Educativo Orientación Familiar Dende A Escola. Intervención En Problemas De Nenos E Adolescentes. Créditos: 8
12. Consumo De Drogas E Programas De Prevención E Saúde. Consumo De Alcool E Programas De Prevención E Saúde.. Créditos: 4
13. Violencia, Maltrato, Abandono E Abuso Sexual En Menores. Créditos: 4
14. Trastornos Psicopatolóxicos E Modelos Psicoeducativos. Trastornos De Alimentación E Modelos De Intervención. Créditos: 4
15. Adopción E Acollemento. Créditos: 2
16. A Familia Con Anciáns. Créditos: 2
17. Mediación Familiar. Créditos: 4
18. A Persoa Do Orientador E Do Terapeuta Familiar. Créditos: 4
19. Fundamentos Teóricos Da Terapa Familiar Sistémica. Historia Da Terapia Familiar. Créditos: 4
20. Escolas E Modelos De Terapia Familiar. Créditos: 10
21. Modelos De Entrevista En Terapia Familiar. Créditos: 2
22. Técnicas De Avaliación Previa Da Familia En Terapia Familiar. Créditos: 2
23. Técnicas De Avaliación Previa Da Parella En Terapia Familiar. Créditos: 2
24. Formación E Forxa Da Parella. Créditos: 2
25. Crise Normativa E Non Normativa Da Familia E Parella. Créditos: 2
26. Problemas Específicos Da Parella. Créditos: 2
27. Problemas Sexuais Da Parella. Créditos: 2
28. A Persoa Do Terapeuta Familiar. Créditos: 4
29. Prácticum. Créditos: 29
30. Proxecto Final. Créditos: 10

Este curso engloba ós seguintes cursos de posgrao ou formación contínua:

• Curso de Especialización en Orientación e Mediación Familiar (Internacional - UNIAPA) (E626)
• Curso de Especialización en Ciencias da Familia (Internacional - UNIAPA) (E683)
• Curso de Especialización en Terapia Familiar (Internacional - UNIAPA) (E684)

A familia é a unidade natural e fundamental da sociedade, onde maduran as relacións humanas, núcleo da sociedade, ámbito natural de crecemento e benestar de tódolos seus membros, en particular dos nenos (ONU: New York, 1959; México, 1975; New York, 1979-88).Os dereitos do home e os dereitos da familia teñen como destinatario último á persoa, por iso non pode haber contradicción ou antagonismo entre eles. A familia e a persoa non poden medrar sen prestarse axuda recíproca. O camiño cara unha maior humanización da nosa sociedade pasa indefectiblemente por un desenvolvemento armónico dos dereitos do home e da familia, porque en último caso tanto as persoas como a sociedade articúlanse familiarmente. A profunda transformación que está experimentando nos últimos tempos a sociedade repercute de forma moi directa no ámbito familiar, emerxendo unha problemática complexa que demanda a formación de profesionais neste campo. Neste contexto, a Universidade, responsable da formación científica dos profesionais, síntese obrigada a dar resposta a esta esixencia social proporcionando ós mesmos una capacitación específica para intervir no complexo mundo da familia.Agora ben neste empeño, resulta preciso que a Universidade conte coa colaboración doutras Institucións que teñen unha dilatada experiencia no mundo da familia e que posibiliten a dimensión práctica e de contacto coas familias, que por outra parte é unha esixencia dunha formación de posgrao. Esta colaboración coa Universidade de Santiago, permitirá que os alumnos do Máster poidan realizar as correspondentes prácticas, na medida das posibilidades o máis preto dos seus lugares de procedencia.

OBXECTIVOS:
1. Coñecer os modelos e as correntes actuais nos distintos campos das ciencias da familia
2. Adquirir un dominio dos procedementos e das técnicas utilizadas no ámbito da familia
3. Adquirir coñecementos teórico-prácticos da problemática que afecta á familia na sociedade actual e das técnicas a utilizar para a solución das mesmas no contexto familiar
4. Adquirir as habilidades necesarias para a intervención e o exercicio profesional en mediación familiar
5. Coñecer a fundamentación teórica, así como as distintas escolas e modelos de terapia familiar
6. Adquirir as técnicas de avaliación e de intervención propias da terapia familiar nas crises e problemas da familia e da parella

METODOLOXÍA:
A metodoloxía ten presente tanto a dimensión profesional como científica do curso.
O programa presencial combinará as sesións maxistrais co traballo en pequenos grupos, e coas sesións clínicas nas que os alumnos poderán presenciar situacións de interese e casos nos que progresivamente irán compartindo co profesional especialista tanto a avaliación como a intervención.
As sesións presenciais serán completadas cun ambicioso programa de Prácticum que permitirá ós alumnos recibir unha formación nos escenarios profesionais, titorizada por un profesional do sector. Con esta finalidade a Universidade de Santiago asinou convenios coa Xunta de Galicia, Centros de Saúde, Centros Educativos, Centros de Orientación Familiar, Concellos e outros Organismos e Institucións Públicos e Privados.
O Programa das actividades non presenciais tamén titorizadas polos profesionais do Curso, completará a formaicón, que se verá rubricada coa presentación e defensa do Proyecto Final

Procedemento de Avaliación: Continua e proxecto fin de curso.

Titorías: Titorías persoalizadas asignadas por módulo impartido.

Departamento / Centro Organizador: Departamento de Psicoloxía Evolutiva e da Educación

Directores:

• Agustín Dosil Maceira
• Olga Díaz Fernández

Edición:  6

Duración cursos:  2

Calendario:

Fase Presencial: 8 de Xaneiro o 2 De Marzo. De Luns A Vernes.

Lugar: Facultade De Psicoloxía. Aula Clínica Instituto Da Familia