Máster Universitario en Educación, Xénero e Igualdade

El Máster Universitario en Educación, Xénero e Igualdad tiene como objetivo: Titulacions - Facultade de Ciencias da Educación - USC A importancia básica e o poder fundamentante das relacións de xénero en calquera estrutura e organización social coñecida, encerra un significado especial para os procesos específicos da socialización e educación humana. Por este motivo faise necesario un coñecemento en profundidade, por parte dos profesionais dedicados á formación, organización, educación e socialización humana no sentido amplo, dos mecanismos de produción social que interveñen na nosa sociedade nas relación de xénero que vai máis alá dun simple coñecemento particularizado sobre o tema. Un dos propósitos específicos consiste nunha formación de profesionais que poidan impulsar accións en prol da igualdade das mulleres, a implantación da perspectiva de xénero ("mainstreaming") e a institucionalización de contidos e medidas. Este labor profesional refírese tanto ao contexto educativo propiamente dito (nos distintos niveis do ensino, na familia, etc.) como á Administración, ás empresas e todas as institucións e organizacións sociais, culturais, económicas e políticas; labor fundamental para conseguir unha meirande igualdade entre os xéneros, así como a transformacións da estruturas androcéntricas aínda existentes nas sociedades actuais.
Desde un ángulo epistemolóxico crítico cabe sinalar que outros dos propósitos consiste unha formación de investigadoras e investigadores que poidan contribuír á construción dun coñecemento novo a cerca das relacións e roles sociais entre mulleres e homes dende unha perspectiva feminista e de xénero multidisiciplinaria.
A formación académica e profesional que se oferta ten como obxectivo global a preparación de universitarias e universitarios que poida desenvolver todas as actuacións necesarias como axentes e investigadores de igualdade previstas na actual lexislación internacional, estatal e autonómica ao respecto.