Concurso-oposición a Terapia ocupacional

a) Nacionalidade: ser de nacionalidade española ou de nacionalidade dalgún dos demais estados membros da Unión Europea, ou nacional dalgún Estado, ao que en virtude dos tratados internacionais celebradas pola Unión Europea e ratificados por España, lle sexa de aplicación a libre circulación de traballadoras/es.

b) Idade: ter a capacidade para contrata-la prestación do seu traballo de acordo co previsto no artigo 7 do Estatuto dos Traballadores.

c) Titulación: Diplomatura en Terapia Ocupacional ou titulación asimilada.

d) Capacidade: non padecer enfermidade nin estar afectada/o por limitación física ou psíquica que sexa incompatible co desempeño das correspondentes funcións.

e) Habilitación: non estar separada/o do servizo de ningunha administración pública en virtude de expediente disciplinario nin encontrarse inhabilitada/o por sentenza firme para o exercicio de funcións públicas. As/os aspirantes que non tiveren a nacionalidade española deberán acreditar, igualmente, non estar sometidas/os a sanción disciplinaria ou condena penal que impida, no seu Estado, o acceso á función pública.

f) Lingua galega: acreditar o coñecemento da lingua galega. A acreditación do coñecemento escrito da lingua galega farase por medio da presentación do certificado acreditativo da realización do curso de iniciación ou de perfeccionamento de lingua galega, segundo se dispón no anexo I.

Programa:

1. Normativa Galega de Servizos Sociais. Lei de Promoción da Autonomía Persoal e Atención ás persoas en situación de dependencia.

2. A equipa de traballo interdisciplinar na atención integral ás persoas maiores.

3. Consideracións xerais sobre o envellecemento. O proceso de envellecer.

4. Organización da atención xerontolóxica. Niveles e recursos asistenciais.

5. Grandes síndromes xerontolóxicos.

6. Funcións do/a terapeuta ocupacional nos recursos de atención xerontolóxica.

7. Obxectivos da terapia ocupacional en xerontoloxía. A actividade como medio terapéutico.

8. Valoración xeriátrica integral. Valoración funcional e ocupacional do paciente maior en terapia ocupacional.

9. Valoración do entorno da persoa maior.

10. Terapia ocupacional e actividades básicas da vida diaria na persoa maior.

11. Terapia ocupacional e accidente cerebrovascular na persoa maior.

12. Terapia ocupacional e patoloxía osteoarticular na persoa maior.

13. Terapia ocupacional e enfermidade de Parkinson na persoa maior.

14. Terapia ocupacional e enfermidade pulmonar obstructiva crónica na persoa maior.

15. Terapia ocupacional e amputacións na persoa maior.

16. Terapia ocupacional e demencia senil.

17. Terapia ocupacional e mobilidade na persoa maior. Caídas.

18. Estimulación psicosocial na persoa maior: Técnicas e actividades.

19. Actividade física nas persoas maiores.

20. Accesibilidade e axudas técnicas.

Fase de oposición

A fase de oposición consistirá na realización de dous exercicios .
Realizarase unha proba tipo test que consistirá en responder un cuestionario de 30 preguntas sobre os contidos dos programas que figuran no anexo II da convocatoria.
O tempo máximo para a realización deste exercicio será de trinta e cinco minutos.
O exercicio cualificarase de 0 a 20 puntos, e será necesario para superalo obter un mínimo de 10 puntos.

As puntuacións faranse públicas unha vez rematada a corrección dos exercicios.

As/os aspirantes deberán presentarse para a realización do exercicio provistos do DNI ou dun documento fidedigno acreditativo da súa identidade, ao xuízo do tribunal.

O exercicio realizarase a porta pechada sen outra asistencia que a das persoas opositoras, os membros do tribunal e as persoas colaboradoras que este último designe.

As/os aspirantes non poderán acceder ao recinto do exame provistos de teléfono móbil, axenda ou demais dispositivos de carácter electrónico.

Aquelas persoas que non puideren acreditar o coñecemento da lingua galega mediante o certificado de realización do curso de perfeccionamento de lingua galega deberán realizar unha proba escrita consistente na redacción dun texto en galego sobre un tema que previamente designe o tribunal e cunha duración máxima de 30 minutos.
Aquelas persoas que non puideren acreditar o coñecemento da lingua galega mediante o certificado de realización do curso de iniciación de lingua galega deberán realizar unha proba escrita consistente na traducción dun texto en galego sobre un tema que previamente designe o tribunal e cunha duración máxima de 30 minutos.
A proba de lingua galega realizarase a continuación do exercicio e no caso de non ser superada terá como consecuencia o remate do proceso selectivo para a persoa candidata, con arranxo ao indicado na base I das presentes bases.

(...)