Perfeccionamento en Ciberxornalismo. Produción de Contidos para a Rede (Curso de iniciación)

1. Introducción. Xornalismo e internet. Créditos: 1
2. Fundamentos básicos das redes telemáticas. Créditos: 1,5
3. Creación de productos. Créditos: 6,5

Obxectivos: Dispoñer de medios para distinguir os rasgos e características que definen Internet, como canle de comunicación, e para poder usala, manexala e informar e comunicarse a través da mesma. Pero tamén é facilitar os recursos necesarios para crear productos e contidos de tal maneira que poidan ser utilizados con facilidade e de xeito intuitivo. Trátase de coñecer os pormenores de Internet e da World Wide Web, así como adquirir destrezas para a creación de materiais propios para o entorno dixital.

Metodoloxía: O desenvolvemento do curso distribuirase entre as clases presenciais e as non presenciais, tempo que o alumnado dedicará a asentar os coñecementos, a revisar e analizar documentación para despois poder aportar o seu punto de vista sobre as distintas cuestións que se aborden nas clases prácticas. Estas clases prácticas apoiaranse con recursos multimedia, para que o alumnado poida dispor tanto da posibilidade de achegarse dun xeito visual ós aspectos recollidos no programa, como de material que logo poida empregar nos tempos non presenciais.

Procedemento de Avaliación:

- Asistencia e participación activa nas clases presenciais.

- Realización dun proxecto multimedia.

Titorías: As titorías realizaranse a través do correo electrónico e dunha lista de distribución que se creará ó efecto. O profesorado dedicará ás titorías a metade do tempo de horas de clase que correspondan a cada materia.

Calendario:

• Días da semana: Martes e xoves.

• Horario: De 19:00 a 21:00 horas.

• Aulas: Aulas informáticas e aula 8.

Departamento / Centro Organizador: Departamento de Ciencias da Comunicación

Directores:

• María Luisa Otero López

• Xosé López García