Máster en Oceanografía

El Máster en Oceanografía tiene como objetivo:
- Subministrar unha serie de técnicas específicas de mostraxe, obtención, análise e tratamento de datos experimentais necesarios para desenvolver a metodoloxía científica que require a disciplina oceanográfica, en calquera das súas vertentes.
- Proporcionar coñecementos avanzados, actualizados e rigorosos, sobre os problemas relacionados co funcionamento dos océanos e as súas perturbacións, fundamentalmente as asociadas á Mudanza Global, con referencia ao impacto da actividade humana sobre os mecanismos fundamentais de funcionamento dos océanos, incluídos os impactos sobre o clima, os ciclos da auga e dos elementos fundamentais, a perda de biodiversidade e a introdución de substancias químicas que modifican a composición dos océanos.
- Prover coñecementos actuais sobre o papel do océano nos ciclos bioxeoquímicos dos principais elementos na biosfera, nun contexto de Mudanza Global, así como metodoloxías e ferramentas de investigación para o seu estudo.
- Proporcionar formación multi- e interdisciplinar de xeito que, ao finalizar o curso, o estudante teña unha formación sólida que lle permita dirixir a súa carreira profesional a sectores tanto industriais como académicos ou de investigación.
- Dotar os alumnos das ferramentas necesarias para afrontar diversos problemas que poden xurdir na vida profesional relacionados co océano.