Curso de formación en deseño, programación e administración de bases de datos

Dominar as técnicas de deseño de bases de datos, a linguaxe SQL, a construción de vistas e o desenvolvemento de rutinas almacenadas (procedementos, funcións e triggers). Así mesmo, o alumno será capaz de xestionar os usuarios da base de datos, controlar a concorrencia por medio de transaccións, usar ficheiros de intercambio de información, crear e restaurar copias de seguridade.

Alumnos de áreas científico-técnicas, que queran ampliar o seu currículo de cara á súa futura carreira profesional ou interesados en proxectos fin de carreira con necesidade de uso de bases de datos. Profesionais do sector das tecnoloxías da información e as comunicacións interesados en introducirse na administración ou desenvolvemento con bases de datos. Sempre e cando todos eles reunan as condicións de acceso.