Especialista en Innovación Educativa para unha educación transformadora no ámbito escolar e comunitario

Na actualidade, a sociedade está en constante transformación. Esta situación provoca a necesidade de profesionais capaces de adaptar os procesos de ensino-aprendizaxe a cada cambio e situación, promovendo e guiando ao alumnado desde métodos innovadores.

Cada vez máis estudos avalan a necesidade dun modelo centrado na aprendizaxe baseada en competencias desde un enfoque activo e colaborativo que favoreza o desenvolvemento, a implicación e a responsabilidade do alumnado no seu propio proceso aprendizaxe, co fin de que poidan desenvolver habilidades como pensamento crítico, disposición a cooperar e aprender, análise reflexiva, diálogo construtivo, creatividade ou asertividade. Ademais, as novas metodoloxías favorecen unha formación continua e unha educación multidisciplinar, que permiten dar resposta a diversidade, tendo en conta as diferenzas individuais de cada persoa e ofrecendo as ferramentas adecuadas para que cada estudante poida desenvolverse en base á súa necesidade.

Unha das grandes necesidades que presenta a sociedade e á que a educación debe dar resposta é á diversidade. É necesario que as metodoloxías de ensino teñan en conta as diferenzas individuais de cada persoa e ofrezan as ferramentas adecuadas para que o estudante poida desenvolverse en base á súa necesidade e identidade. Estas diferenzas afectan de forma directa aos procesos de aprendizaxe e responden a constructos cognitivos, biolóxicos, culturais, sociais, políticos, etc. É dicir, a educación e os constructos que forman á persoa están en constante retroalimentación. Isto esixe profesionais flexibles, activos e creativos que poidan dar resposta a cada problemática que xurda no proceso de ensino aprendizaxe.