Máster en Necesidades Específicas de Apoio Educativo

El Máster en necesidades específicas de apoio educativo Obxectivos:
Xerais:
- Adquirir unha formación avanzada, especializada e multidisciplinar, orientada á especialización profesional na intervención nas dificultades de aprendizaxe selectivas, as debidas ao contexto socio-cultural e as derivadas dos trastornos do desenvolvemento.
- Capacitar para a promoción da mellora da resposta educativa en cooperación con outros profesionais co obxectivo de mellorar a calidade de vida do alumnado mantendo un claro compromiso social e ético.
Específicos:
- Coñecer as características do desenvolvemento e aprendizaxe correspondente ás diversas etapas educativas.
- Coñecer os fundamentos biolóxicos, psicolóxicos, pedagóxicos, sociais e lingüísticos das diferentes necesidades educativas específicas.
- Ser quen de elaborar e deseñar diferentes sistemas de análise e avaliación de necesidades educativas específicas.
- Sintetizar diversas estratexias para adaptar o ensino ás necesidades educativas especiais.
- Avaliar os recursos técnicos que contribúan a mellorar as condicións de aprendizaxe, a calidade de vida e a inserción laboral.
- Aplicar técnicas de organización dos centros escolares para a atención ás necesidades educativas específicas.
- Saber transmitir axeitadamente tanto en contextos académicos como á sociede no seu conxunto os achados atopados, así como os coñecementos, xuízos e argumentacións nos que se sustentan.