Concurso-oposición a Ingeniro agrónomo

Para acceso libre:

I.2.1.2.1. Nacionalidade:

a) Ter a nacionalidade española.

b) Ser nacional dalgún dos estados membros da Unión Europea ou nacional dalgún Estado en que en virtude dos tratados internacionais celebrados pola Unión Europea e ratificados por España sexa de aplicación a libre circulación de traballadores.

c) Tamén poderá participar, calquera que sexa a súa nacionalidade, o cónxuxe dos españois e dos nacionais doutros estados membros da Unión Europea, e o dos nacionais dalgún Estado ao cal, en virtude dos tratados internacionais celebrados pola Unión Europea e ratificados por España, lle sexa de aplicación a libre circulación de traballadores, sempre que non estea separado de dereito. Así mesmo, coas mesmas condicións poderán participar os seus descendentes e os do seu cónxuxe sempre que non estean separados de dereito, sexan menores de vinte e un anos ou maiores da dita idade dependentes.

I.2.1.2.2. Idade: ter cumpridos dezaseis anos e non exceder a idade máxima de xubilación forzosa.

I.2.1.2.3. Titulación: estar en posesión ou en condicións de obter o título que para cada unha das escalas se especifica no anexo I-B.

Mentres non se xeneralice a implantación dos novos títulos universitarios, seguen sendo válidos os títulos universitarios de doutor, licenciado, enxeñeiro, arquitecto ou equivalente, de conformidade co establecido no punto primeiro da disposición transitoria terceira da Lei 7/2007, do 12 de abril, do Estatuto básico do empregado público.

No caso de titulacións obtidas no estranxeiro deberán posuír o documento que acredite fidedignamente a súa homologación.

I.2.1.2.4. Capacidade funcional: non padecer enfermidade nin estar afectado por limitación física ou psíquica incompatible co desempeño das correspondentes funcións.

I.2.1.2.5. Habilitación: non ter sido separado/a mediante expediente disciplinario do servizo de calquera das administracións públicas ou dos órganos constitucionais ou estatutarios das comunidades autónomas, nin atoparse en inhabilitación absoluta ou especial para empregos ou cargos públicos por resolución xudicial.

(...)

Programa que rexerá as probas selectivas para o ingreso no corpo facultativo superior da Xunta de Galicia (grupo A).


Parte común a todas as escalas.

1. O concepto de constitución. A Constitución como norma xurídica. A Constitución española de 1978, principios informadores. Estrutura e contido.

2. A Coroa: funcións constitucionais. As Cortes Xerais. O Congreso dos Deputados e o Senado. Composición e funcións. Aprobación das leis.

3. O Goberno. A súa composición e funcións. O presidente do Goberno. Os ministros. Relacións entre o Goberno e as Cortes.

4. A Administración do Estado. Órganos centrais. Órganos periféricos. Os organismos autónomos e as entidades públicas empresariais. Órganos consultivos da Administración do Estado. O Consello de Estado e outros órganos consultivos.

5. A distribución territorial do poder do Estado. O Estado das autonomías na Constitución. Procesos de constitución das comunidades autónomas. Estrutura, aprobación e reforma dos estatutos de autonomía

6. O Estatuto de autonomía de Galicia. Competencias da comunidade autónoma. O Goberno da comunidade autónoma.

7. A Xunta de Galicia e o seu presidente. O Parlamento de Galicia. Control parlamentario da acción do Goberno. O Valedor do Pobo.

8. A Administración pública da comunidade autónoma. O Consello da Xunta. Composición e funcións. Os conselleiros: estatuto persoal e atribucións. Organización e estrutura das consellerías. A Administración periférica da consellerías.

9. O persoal ao servizo da Administración da comunidade autónoma. Persoal funcionario e persoal laboral. Réxime xurídico da función pública galega.

10. O procedemento administrativo: concepto e natureza. A Lei de réxime xurídico das administracións públicas e do procedemento administrativo común. Ámbito de aplicación e principios informadores. Fases: iniciación, ordenación, instrución e terminación.

(...) Puedes ver más información sobre el temario en el boletín oficial

boletín oficial (Anexo IV)

II. Proceso selectivo.

II.1. Fase de oposición.

O programa que rexerá as probas selectivas é o que figura como anexo IV desta convocatoria. Para estes efectos, teranse en conta as normas de dereito positivo relacionadas co contido do programa que no momento da publicación desta convocatoria no Diario Oficial de Galicia conten con publicación oficial no boletín ou diario correspondente.

II.1.1. Exercicios:

II.1.1. Primeiro exercicio, de carácter eliminatorio: consistirá en contestar por escrito un cuestionario de cento vinte (120) preguntas tipo test, máis tres (3) de reserva, con catro (4) respostas alternativas propostas polo tribunal, das cales só unha delas será a correcta, correspondentes ao contido do programa. Os/as aspirantes da quenda de promoción interna estarán exentos para a realización deste exercicio da parte xeral do programa.

O tempo máximo de duración será de dúas (2) horas.

De conformidade co disposto no artigo 33 da Lei 4/1988, do 26 de maio, da función pública de Galicia, este exercicio deberá realizarse exclusivamente en lingua galega.

Cada opositor poderá obter copia do exercicio realizado ao seu remate. No prazo das vinte e catro horas seguintes ao da celebración, farase público no lugar de realización do exercicio o modelo do test, indicando as respostas correctas. Esta información estará dispoñible na páxina web da Xunta de Galicia.

Este exercicio cualificarase de 0 a 20 puntos e será necesario para superalo obter un mínimo de 10 puntos, correspondéndolle ao tribunal determinar o número de respostas correctas exixido para acadar a puntuación mínima. Para iso terase en conta que por cada tres respostas incorrectas descontarase unha correcta.

Con posterioridade á realización do exercicio, publicarase na páxina web da Xunta de Galicia (www.xunta.es) o cuestionario en que consistía o exercicio.

As puntuacións publicaranse, en todo caso, no lugar onde se realizou o exercicio, no taboleiro de anuncios do Servizo de Información e Atención ao Cidadán da Consellería de Presidencia, Administracións Públicas e Xustiza, e na páxina web da Xunta de Galicia (www.xunta.es), unha vez rematada a corrección da totalidade dos exercicios, e concederase un prazo de dez días para efectos de alegacións.

Este exercicio realizarase no prazo máximo de corenta días desde a constitución do tribunal que xulgue as probas. A data de realización deste exercicio non será anterior ao 1 de marzo de 2008.

O presidente do tribunal adoptará as medidas oportunas para garantir que este exercicio sexa corrixido sen que se coñeza a identidade dos aspirantes, utilizando para iso os impresos adecuados. O tribunal excluirá aqueles candidatos en cuxos exercicios figuren marcas ou signos que permitan coñecer a identidade do opositor.

II.1.2. Segundo exercicio, de carácter eliminatorio: consistirá na resolución dun suposto práctico de desenvolvemento, á elección do aspirante de entre dous propostos polo tribunal, e relacionados coas materias correspondentes ao contido do programa no que se refire aos temas específicos de cada escala, procurando a debida proporción entre as distintas partes do programa.

O tempo máximo para a realización do exercicio será de tres (3) horas.

Para realizar este exercicio os opositores poderán servirse de textos legais sen comentarios, excluídos os libros...