Concurso a Matrona

a) Posuir a nacionalidade española ou a dalgún dos estados membros da Unión Europea ou do espazo económico europeo ou te-lo dereito á libre circulación dos traballadores conforme o Tratado da Unión Europea, ou a outros tratados ratificados por España, ou ter recoñecido tal dereito por norma legal.

b) Estar en posesión da titulación requirida na convocatoria ou en condicións de obtela dentro do prazo de presentación de solicitudes .

c) Posuir capacidade funcional necesaria para o desempeño das funcións que se deriven da correspondente obtención da praza.

d) Ter cumpridos 18 anos no momento de presentación da solicitude e non exceder da idade de xubilación forzosa.

e) Non estar separado do servizo, mediante expediente disciplinario de calquera servizo de saúde ou Administración pública nos seis anos anteriores á convocatoria, nin atoparse inhabilitado con carácter firme para o exercicio de funcións públicas nin, no seu caso, para a correspondente profesión.

f) No caso dos nacionais doutros estados mencionados no parágrafo a, non atoparse inhabilitado, por sanción ou pena, para o exercicio profesional ou para o acceso ás funcións ou servizos públicos dun estado membro, nin ter sido separado por sanción disciplinaria dalgunha das súas administracións ou servizos públicos nos seis anos anteriores á convocatoria.

g) Ter aboados os dereitos de admisión ó proceso selectivo.

PARTE COMÚN

Tema 1.- A Constitución española: Principios fundamentais, dereitos e deberes fundamentais dos españois. A protección da súde na Constitución.

Tema 2.- Estatuto de Autonomía de Galicia. Estructura e contido. O Parlamento. A Xunta e o seu Presidente. A Administración Pública galega.

Tema 3.- A Lei Xeral de Sanidade: fundamentos e características. Competencias das Administracións públicas en relación coa saúde. Dereitos e deberes dos usuarios do sistema sanitario público.

Tema 4.- O Estatuto Marco do Persoal Estatutario dos servizos de saúde. Clasificación do Persoal Estatutario. Dereitos e deberes. Adquisición e perda da condición de persoal estatutario fixo. Mobilidade do persoal. Xornada de traballo, permisos e licencias. Situacións do persoal estatutario. Réxime disciplinario. Incompatibilidades. Representación, participación e negociación colectiva.

Tema 5.- O persoal estatutario do Servizo Galego de Saúde. Provisión e selección de prazas. Réxime retributivo. Xornada de traballo. Permisos e licencias.

(...)

PARTE ESPECÍFICA

Tema 1.- Asistencia Sanitaria: obxecto e feitos causantes. Beneficiarios. Prestacións médicas y farmacéuticas. Modalidades da prestación médica. A participación dos beneficiarios no prezo dos medicamentos.

Tema 2.- Principios fundamentais da Bioética: dilemas éticos. O segredo profesional: concepto e regulación xurídica. O consentemento informado. Os dereitos de información sanitaria, intimidade e o respecto da autonomía do paciente .

Tema 3.- Calidade no Sistema Nacional de Saúde: características da atención sanitaria. Dimensións de calidade: científico técnica, efectividade, eficiencia, accesibilidade e satisfacción do usuario. Avaliación de estrutura, proceso e resultados. Mellora continua da calidade. Métodos de avaliación da calidade: auditorías. Programas de calidade: deseño e implantación.

Tema 4.- Metodoloxía de investigación: técnicas cuantitivas e cualitativas. Estrutura metodolóxica dun traballo científico. Fontes de datos. Investigación básica: estudios de identificación e priorización de problemas. Investigación aplicada: estudios descritivos e analíticos dos diagnósticos utilizados, estudios de procesos e resultado.

Tema 5.- Epidemioloxía: concepto. O método epidemiolóxico. Enfermidades transmisibles de maior incidencia na poboación galega: tipos e características. Sistema Nacional de Vixilancia Epidemiolóxica. Enfermidades de declaración obrigatoria.

(...)
Puedes ver más información sobre el temario en el boletín oficial

boletín oficial (Emprego Público, Outros procesos selectivos)

Fases do proceso de selección.

O proceso selectivo ten tres fases.

A) Primeira Fase. (1º exercicio)

Para a categoría de Matrón/a, Traballador/a Social e Técnicos con Formación Profesional Superior ou equivalente non sanitario a primeira fase consistirá na realización dun exame tipo test dos temas recollidos na parte común dos temarios (incluido o Anexo XIII) e unha proba teórico práctica/test de coñecementos comprendidos na parte específica dos temarios de cada categoría e o exercicio profesional.

Para a categoría de Matrón/a o temario é o publicado no Anexo XI e XIII, para a categoría de Técnico con Formación Profesional Superior ou equivalente non sanitario o temario publicado no Anexo XII e XIII, e para a categoría de Traballador/a Social o temario publicado no Diario Oficial de Galicia nº 52 de 15 de marzo de 1995 e o Anexo XIII.

Para o persoal facultativo a primeira fase consistirá na realización dun exame tipo test dos temas recollidos nos Anexos XIII e XIV e unha proba teórico práctica/test de coñecementos comprendidos nos currículos formativos das especialidades correspondentes e no exercicio profesional.

B) Segunda Fase. ( 2º exercicio )

Oue será de aplicación a tódalas categorías persoal facultativo, persoal sanitario non facultativo e persoal non sanitario, consistirá na realización dun exame de lingua galega tipo test que terá carácter obrigatorio e non eliminatorio.

C) Terceira Fase.

Con carácter xeral para todo o persoal, con independencia do turno de acceso, a terceira fase consistirá na valoración da currícula.

A puntuación de cada unha das fases especifícase no Anexo II, o baremo para o persoal sanitario non facultativo e para persoal non sanitario no Anexo III e o baremo para o persoal facultativo no Anexo IV.