a) Posuír a nacionalidade española ou dalgún Estado membro da Unión Europea ou do Espazo Económico Europeo ou ostentar o dereito á libre circulación de traballadores conforme ao Tratado da Unión Europea ou a outros tratados ratificados por España ou ter recoñecido tal dereito por norma legal.
b) Estar en posesión do título de Licenciado ou Doutor en Medicina e Cirurxía e, ao menos, unha das seguintes titulacións: título de Médico Especialista en Medicina Familiar e Comunitaria, título de Especialista en Medicina Preventiva e Saúde Pública, Máster en Saúde Pública.
c) Posuír a capacidade funcional necesaria para o desempeño das funcións que se deriven do correspondente nomeamento.
d) Ter cumpridos os dezaoito anos e non exceder da idade de xubilación forzosa.
e) Non ter sido separado do servizo, mediante expediente disciplinario, de calquera Servizo de Saúde ou Administración pública nos seis anos anteriores á convocatoria, nin atoparse inhabilitado con carácter firme para o exercicio de funcións públicas nin, de ser o caso, para a correspondente profesión.
f) No caso dos nacionais doutros Estados mencionados no primeiro parágrafo b), non atoparse inhabilitado, por sanción ou pena, para o exercicio profesional ou para o acceso a funcións ou servizos públicos nun Estado membro, nin ter sido separado por sanción disciplinaria, dalgunha das súas administracións ou servizos públicos nos seis anos anteriores á convocatoria.
g) Non atoparse en situación de excedencia como persoal estatutario na mesma categoría nin estar vinculado mediante vínculo de longa duración na mesma categoría en institucións públicas da Comunidade Autónoma de Galicia. A tal efecto considerarase nomeamento de longa duración aquel de duración igual ou superior a un ano.
